PROGRAMI PËR NJË MBROJTJE TË VEÇANTË NGA SHTETI PËR GRATË E PAPUNA ME TRE APO MË SHUMË FËMIJË TË MOSHËS DERI NË 18 VJEÇ

Ky program mundëson pagesën e sigurimeve shoqërore për gratë e papuna me tre ose më shumë fëmijë të moshës deri në 18 vjeç, ku të paktën njëri prej fëmijëve është nën 5 vjeç dhe kur të ardhurat familjare janë nën 100.000 lekë në muaj. Përkujdesi për fëmijën deri në moshën 5 vjeç do të njihet si periudhë sigurimi për efekt përfitimi pensioni pleqërie dhe barrëlindjeje.

Ky program ka filluar zbatimin në vitin 2022 dhe aplikimi bëhet online, pa pagesë,  përmes platformës e-Albania në linkun:

https://e-albania.al/eAlbaniaServices/UseService.aspx?service_code=15191

Aplikimi për këtë shërbim nuk ka nevojë për dokumentacion shoqërues të paraqitur nga qytetari. Shërbimi Social Shtetëror, brenda datës 20 të çdo muaji pasardhës, përgatit listëpagesën me kontributet e personave që rezultojnë përfitues, ia përcjell Drejtorisë së Përgjithshme të Tatimeve, si edhe kryen pagesën sipas legjislacionit në fuqi.

Për më shumë informacion mund të lexoni:

https://www.sherbimisocial.gov.al/wp-content/uploads/2025/01/Vendim-Nr.-751-date-1.12.2022-%E2%80%98Per-nje-mbrojtje-te-vecante-nga-shteti-per-grate-e-papuna-me-tre-apo-me-shume-femije-te-moshes-deri-ne-18-vjec.pdf

https://www.sherbimisocial.gov.al/wp-content/uploads/2025/01/Udhezim-Nr.670-date-13.12.2022-Per-proceduren-e-aplikimit-dhe-perfitimit-nga-programi-i-mbrojtjes-se-vecante-nga-shteti-per-grate-e-papauna-m.pdf

https://www.sherbimisocial.gov.al/wp-content/uploads/2025/06/Grate-e-papuna-2023-2025.docx