Publikuar më: 23/02/2026

Shpallje Nr.394: – Pozicioni “Specialist / Punonjës Social, Sektori i Shërbimeve Shoqërore, Drejtoria Rajonale e Shërbimit Social Shtetëror, Berat”

Zmadho tekstin Zvogëlo tekstin

Në mbështetje të VKM  Nr. 135, datë 07.03.2018 “Për miratimin e Statutit të Shërbimit Social Shtetëror” i ndryshuar, Shërbimi Social Shtetëror shpall konkurimin për vendin e lirë të punës në pozicionin:

Specialist (Punonjës Social), në Sektorin e Shërbimeve Shoqërore, pranë Drejtorisë Rajonale të Shërbimit Social Shtetëror, Berat.

Kandidati/ja që kërkon të punësohet në këtë vend pune duhet të plotësojë këto kritere:

  1. Të jetë shtetas shqiptar;
  2. Të ketë zotësi të plotë për të vepruar;
  3. Të ketë përfunduar arsimin e lartë në Shkencat Sociale/ Dega Punë Sociale;
  4. Të jetë i/e pajisur me liçencën përkatëse ose vërtetim që është në proçes;
  5. Preferohet të ketë eksperiencë pune në profesion;
  6. Të ketë aftësi për të zbatuar përgjegjësitë dhe realizimin e objektivave të institucionit;
  7. Të jetë i përkushtuar dhe i komunikueshëm për zbatimin e detyrave;
  8. Të mos jetë i dënuar me vendim të formës së prerë për kryerjen e ndonjë vepre penale;
  9. Të mos jetë dhënë ndaj tij/saj masa disiplinore e largimit nga puna.

 

Kandidatët duhet të paraqesin brenda datës 09.03.2026, në Drejtorinë e Përgjithshme të Shërbimit Social Shtetëror këto dokumente:

  • – Kërkesën për aplikim;
  • – Jetëshkrimin (CV);
  • – Fotokopje të diplomës dhe listës së notave;
  • – Fotokopje të librezës së punës;
  • – Fotokopje të kartës së identitetit;
  • – Dëshmi penaliteti ose vetëdeklarim të gjendjes gjyqësore;
  • – Çertifikatë familjare;
  • – Vërtetim banimi;
  • – Raport mjekësor që vërteton gjendjen shëndetësore;
  • – Çertifikata të kualifikimeve;
  • – Referenca pune.

 

Pas verifikimit paraprak në datën 11.03.2026, do të shpallet lista e konkurrentëve që do të vazhdojnë më tej konkurimin, si dhe data kur do të zhvillohet intervista me gojë.

Konkursi do të bazohet në njohuri të përgjithshme mbi legjislacionin e Shërbimit Social Shtetëror që gjendet në faqen zyrtare të Shërbimit Social Shtetëror, si dhe njohuri specifike për pozicionin e punës të cilat kanë të bëjnë me:

  1. Vendim nr.135, datë 07.03.2018, “Për miratimin e Statusit të Shërbimit Social Shtetëror”, I ndryshuar;
  2. Ligji Nr. 57/2019, “Për asistencën sociale në Republikën e Shqipërisë”;
  3. Ligji nr.8098, datë 28.03.1996 “Për statusin e të verbërit”;
  4. Ligji nr. 8626, dt.22.06.2000” Statusi i Invalidit paraplegjik dhe tetraplegjik”;
  5. Ligji nr.7889, datë 14.12.1994, “Statusi i Invalidit;
  6. Ligji nr. 121/2016 “Për shërbimet e kujdesit shoqëror në Republikën e Shqipërisë”

Të gjitha njoftimet për shpalljen e vendit të lirë të punës, rezultatet e verifikimit paraprak si dhe datën kur do zhvillohet testimi, mund t’i gjeni në adresën www.sherbimisocial.gov.al

 

Shërbime